ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

საქართველოს დამოუკიდებლობის დღესთან დაკავშირებით, საქართველოს საელჩოს საკონსულო სამსახური არ იმუშავებს ამა წლის 26 მაისს.

გილოცავთ საქართველოს დამოუკიდებლობის დღეს!

განთავსების თარიღი: 24.05.2017
 

 

 

საქართველოს პრემიერ-მინისტრი გიორგი კვირიკაშვილი ამერიკის შეერთებული შტატების პრეზიდენტს, დონალდ ტრამპს შეხვდა. საუბარი პრეზიდენტის სამუშაო კაბინეტში გაიმართა. შეხვედრის დასაწყისში პრეზიდენტმა ტრამპმა ხაზგასმით აღნიშნა, რომ საქართველო ამერიკისთვის მნიშვნელოვანი ქვეყანაა, რომელთანაც სტრატეგიული ურთიერთობა და პარტნიორობა აკავშირებს. მხარეებმა ორი ქვეყნის ურთიერთობების მნიშვნელოვანი საკითხები განიხილეს და სამომავლო გეგმებზე ისაუბრეს.

 

განთავსების თარიღი: 22.05.2017
 

ა.წ. 20 მაისს, ისრაელის ჩრდილოეთში მცხოვრები დრუზების სათვისტომოს მოწვევით, საქართველოს ელჩი ბატონი პაატა კალანდაძე და კონსული ბატონი ალექსანდრე ჯიშკარიანი გოლანის მაღლობებს სტუმრობდნენ. ვიზიტის ფარგლებში გაიმართა საქართველოს ელჩის შეხვედრა დრუზთა დასახლება ბუკატას მერთან ბატონ ოსამა ზაჰვირთან და ხსენებული დასახლებული პუნქტის მუნიციპალიტეტის სხვადასხვა სამსახურების ხელმძღვანელებთან, ასევე, ბუკატას საშუალო სკოლის მოსწავლე ახალგაზრდობასთან და ადგილობრივ ტურისტულ კომპანიებთან. შეხვედრებზე, მხარეებმა ყურადღება გაამახვილეს თანამშრომლობის ისეთ მიმართულებებზე როგორიცაა: ისრაელში მცხოვრები დრუზი ახალგაზრდებისთვის უმაღლესი განათლების მიღება საქართველოში და ადგილობრივი ტურისტული კომპანიების საქართველოს ტურისტულ ინდუსტრიაში ჩართვა.

განთავსების თარიღი: 22.05.2017
 

ა.წ. 9 მაისს, ქ. ბათ-იამის "ეშქოლ პაისი"-ს სხდომათა დარბაზში გაიმართა შეხვედრა საქართველოს დელეგაციასთან, რომელსაც ხელმძღვანელობდა გორის უნივერსიტეტის რექტორი, ბატონი გიორგი სოსიაშვილი. შეხვედრაზე ასევე ნაჩვენები იქნა თენგიზ მალანიას ფილმი ქართველი და ებრაელი ხალხის 26 საუკუნოვანი მეგობრობის შესახებ (სცენარის ავტორი და წამყვანი ჯემალ აჯიაშვილი). შეხვედრა ტრადიციულად უაღრესად მეგობრულ და თბილ გარემოში წარიმართა. საელჩოს მხრიდან აღნიშნულ ღონისძიებას დაესწრო კონსული, ა. ჯიშკარიანი.  

განთავსების თარიღი: 10.05.2017
 

 

საქართველოში ოფიციალურად გამოცხადებულ უქმე დღეებთან დაკავშირებით, საქართველოს საელჩოს საკონსულო  სამსახური არ იმუშავებს ამა  წლის 9 და 12 მაისს. 

განთავსების თარიღი: 08.05.2017
 

ა. წ. 4 მაისს, კონსულმა ალექსანდრე ჯიშკარიანმა საელჩოში უმასპინძლა ისრაელურ არასამთავრობო ორგანიზაცია „Sparkpro“-ს აღმასრულებელ დირექტორს ბოაზ იარდენს და პროექტის მენეჯერს ვერა კორსონკისს. ორგანიზაცია „Sparkpro“-ს მისიაა, სხვადასხვა სახის საერთაშორისო სემინარებისა თუ კონფერენციების ორგანიზებით, ახალგაზრდებს შორის მულტიკულტურული დიალოგისთვის პლატფორმის შექმნა.   ასე მაგალითად:  „Sparkpro“-ს ორგანიზებით 2016 წლის ნოემბერში, ისრაელში სასწავლო ვიზიტით იმყოფებოდნენ ახალგაზრდა ქართველი და ოსი ექიმები; 2017 წლის აპრილში, „Sparkpro“-ს თაოსნობით საქართველოში გაემგზავრა 22 ისრაელელი სტუდენტი სხვადასხვა სოციალურ სფეროებში დასაქმებულ ქართველ ახალგაზრდასთან გაცნობის მიზნით.

განთავსების თარიღი: 05.05.2017
 

ამა წლის 4 მაისს, საქართველოს ელჩი ბატონი პაატა კალანდაძე და საელჩოს კონსული ბატონი ალექსანდრე ჯიშკარიანი, ადგილობრივ ქართველ ებრაელთა  ორგანიზაცია „ქართველთა და ებრაელთა ურთიერთობის საზოგადოების“ მოწვევით, ქალაქ ბეერ-შევას სტუმრობდნენ. საქართველოს საელჩოს წარმომადგენლებს საშუალება მიეცათ, გაცნობოდნენ ზემოაღნიშნული ორგანიზაციის აქტივს და მის საქმიანობას, დაეთვალიერებინათ ქალაქი და მისი ერთ-ერთი მოედანი, რომელიც ქ. ონის სახელს ატარებს (ქ.ქ. ბეერ-შევა და ონი 2000 წლიდან დაძმობილებული ქალაქები არიან).

განთავსების თარიღი: 05.05.2017
 

ა.წ. 3 მაისს, ისრაელის კალათბურთის ასოციაციაში გაიმართა საელჩოს კონსულის ა. ჯიშკარიანის შეხვედრა ასოციაციის პრეზიდენტთან ამირამ ჰალევთან. შეხვედრაზე მხარეებმა განიხილეს საელჩოსა და ასოციაციას შორის, “EuroBasket 2017”-ის ფარგლებში, შესაძლო თანამშრომლობის საკითხები. როგორც ცნობილია, კალათბურთში ევროპის ჩემპიონატის ჯგუფური ეტაპის ნაწილი, კერძოდ, „ბ“ ჯგუფის შესარჩევი თამაშები გაიმართება ისრაელში, სადაც იასპარეზებს საქართველოს კალათბურთის ეროვნული ნაკრები.

საქართველოს კალათბურთის ეროვნული ნაკრები შემდეგი ქვეყნების ეროვნულ გუნდებთან გამართავს შეხვედრებს: ლიტვა (31 აგვისტო), გერმანია (2 სექტემბერი), უკრაინა (3 სექტემბერი), ისრაელი (5 სექტემბერი) და იტალია (6 სექტემბერი).    

 

განთავსების თარიღი: 04.05.2017
 

აშშ-ის წარმომადგენელთა პალატის 30-მა კონგრესმენმა აშშ-სა და საქართველოს შორის დიპლომატიური ურთიერთობების 25 წლისთავისა და ორ ქვეყანას შორის მტკიცე სტრატეგიული პარტნიორობის აღსანიშნავად, 2017 წლის 2 მაისს საქართველოს მხარდამჭერი წერილით პრეზიდენტ დონალდ ტრამპს მიმართა. საქართველოს მეგობართა ჯგუფის თანათავმჯდომარეების ტედ პოსა (რესპუბლიკელი-ტეხასის შტატი) და ჯერალდ კონოლის (დემოკრატი-ვირჯინიის შტატი) მიერ ინიცირებული წერილი წარმოადგენს საქართველოსადმი აშშ-ის ორპარტიული ურყევი მხარდაჭერის კიდევ ერთ მკაფიო მაგალითს, რომელსაც ხელს აწერენ როგორც აშშ-ის რესპუბლიკელი, ასევე დემოკრატი კონგრესმენები

განთავსების თარიღი: 03.05.2017
 

ა.წ. 2 მაისს ისრაელის სახელმწიფოს პრეზიდენტის სასახლეში გაიმართა ისრაელის სახელმწიფოს დამოუკიდებლობის 69-ე წლისთავისადმი მიძღვნილი საზეიმო მიღება

განთავსების თარიღი: 03.05.2017
 
კვ ორ სა ოთ ხუ პა შა
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ