ინფორმაცია საქართველოს საგანგებო და სრულუფლებიანი ელჩის, ზაზა კანდელაკის თელ-ავივის სურასკის სამედიცინო ცენტრში განხორციელებული ვიზიტის თაობაზე

2024 წლის 17 ივნისს, თელ-ავივის სურასკის სამედიცინო ცენტრში, საქართველოს საგანგებო და სრულუფლებიანი ელჩი, ზაზა კანდელაკი იხილოვის სამედიცინო ცენტრის აღმასრულებელ დირექტორს, პროფესორ რონი გამზუს, სამედიცინო დირექტორს, პროფესორ იცხაკ შაფირასა და “Ichilov International” დირექტორს, ზეევ ლავის შეხვდა.

აღნიშნული ვიზიტის ფარგლებში, საქართველოს ელჩი ცენტრში არსებულ ინფრასტრუქტურულ, კლინიკურ და საგანმანათლებლო ბაზას გაეცნო. გარდა ამისა, ზაზა კანდელაკმა დაათვალიერა ცენტრის ჰემატო-ონკოლოგიური განყოფილება, სადაც საქართველოდან ბავშვები მკურნალობენ და გაესაუბრა მათ მშობლებს.